|
ნუნუკა. ანონსი სტატიისთვის ,,ქალი და ბატები’’
Автор: პეტრო ზგონნიკოვ |
Добавлено: 01.10.2021 |
|
პეტრო ზგონნიკოვ
ნუნუკა. ანონსი სტატიისთვის ,,ქალი და ბატები’’. ფოტოგრაფი ნუნუ ღამბაშიძე"
2021
 |
|
გოგონა საქანელაზე (ნეოკლასიციზმი)
|
მას ქვია ნუნუკა, გვარი ღამბაშიძე. ის არის ლაგოდეხიდან. ყოველთვის თან აქვს iPhone 7, რომელსაც იყენებს როგორც ფოტოკამერას. რა არის ამაში თითქოს გასაოცარი - ჩვენ ყველას შეგვიძლია ასე... აი აქ იწყება საიდუმლო, ამოცანა, რომელიც აი უკვე მთელი თვეა ვერ ამოვხსენი მისი ფოტონამუშევრების ნახვისას. ვერ გამოვიცანი, როგორ პოულობს მისი კამერა ჩვეულებრივში იმას, რასაც ვერ ხედავენ ჩემი თვალები და ვერ ამჩნევს ჩემი კამერა.
 |
ქალი და ბატები (ფილოსოფია)
|
რამდენიმე დღეში გამოქვეყნდება სტატია ,,ქალი და ბატები’’. მასში მოგითხრობთ ლაგოდეხელ გოგონაზე კოსტავას ქუჩიდან, (ყოფილი საბჭოს) რომელიც ბავშვობიდან გატაცებული ფოტოგრაფიით 2020 წელს შევიდა ქვეყნის ტოპ-35 და თბილისის ტოპ-10 საუკეთესო ფოტოგრაფთა სიაში.
მსოფლიო ფოტოკონკურსის ,,35 Awards internacional photography’’ვერსიით, დაინტერეს დებით რამდენი ფოტო იყო წარდგენილი კონკურსზე? 444 000. გავიმეორებ სიტყვიერად: ოთხასორმოცდაოთხი ათასი. როგორია, აბა? ფარმაცევტი პროფესიით და ფოტოხელოვნების მოყვარული, ჩვენი ქვეყნის ფოტოგრაფიის ოლიმპის მწვერვალზე. დიახ, ზუსტად ასეა და ჩემ წისქვილზე ასხამს წყალს ის გარემოება და შეურყეველი თეზისი, აგრეთვე დიდი ხნის ჩემი დავა საიტზე, რომ არა დიპლომი, არამედ ნიჭია უპირველეს ყოვლისა, ტალანტი, რომელიც მონიჭებულია გამოუცნობი ძალებით და ხშირად განსაზღვრავს ადამიანის ბედს. ტალანტი და ლტოლვა, დამქანცველი შრომა სრულყოფილების ძიებაში. ამიტომ ნუნუკა
 |
| ყვავილი მწვანე ბოთლში (ფოტოფერწერა) |
ყოველთვის კამერითაა. ეძებს და ეძებს ოქროს მისხალებს, რომლებიც უხილავი ბრწყინვალებით გაბნეულია ნაცრისფერ ყოველდღიურობაში. და რაც არ უნდა ხმამაღლა უწონებდნენ მას ნამუშევრებს და რაც არ უნდა მსხვილად წერდნენ კომენტარებში ,, სუპერ!’’, მთავარი კრიტიკოსი და მსაჯული თავისი ნამუშევრების არის თვითონ. ასეული გადაღებული ფოტოდან დატოვებს ხუთს და გაიფიქრებს თავისთვის: ო, ეგ არის, არც თუ ისე ცუდია... მაგრამ უკვე მეორე დილას დაეჭვდება და მიდის გადასაღებად და სიახლეების საძიებლად - ისევ და ისევ.
 |
| დედა რას იტყვის?..(მდგომარეობა) |
თავისუფლების სიტკბოება იმაშია, რომ გაძლევს საშუალებას იყო ის, რაც ხარ...მე არ ვიცნობ ნუნუს და არასოდეს არ შევხვედრილვარ. ამიტომ, როდესაც ვსაუბრობ მის ნამუშევრებზე, მაქვს ბედნიერება ვწერო როგორც ვსუნთქავ და როგორც მესმის, არ ვცდილობ ,,გული მოვუგო’’... ნუნუ ცხოვრობს მარადიულ თბილისში, მე ახალგაზრდა, ბრწყინვალე ხარკოვში. ის ლაგოდეხს ხანგამოშვებით სტუმრობს, მე ათასში ერთხელ. ღმერთმა ქნას, ოდესმე შევხვდებით და შესაძლოა მაშინ გავიგო, როგორ იქმნება მისი ფოტოები. მანამდე კი შემიძლია ვთქვა, რომ ვაძლევ მაღალ შეფასებას ამ ნამუშევრებს: მათში არის სიცოცხლე და აზრი, არის მომენტის სილამაზე და ფარული ისტორია, ყველასთვის თავისი...
ვიდრე გამოჩნდება საიტზე სტატია ,,ქალი და ბატები’’, დაათვალიერეთ ნუნუს ნამუშევრები. ისინი შეკრებილია ,,ფოტოგალერეაში’’ (Фотогалерея). დააწკაპეთ დასახელებაზე ,,ფოტოგალერეა’’ და მენიუს ჰორიზონტალურ ველში გაიხსნება ქვე - მენიუ, რომელშიც იპოვით სტრიქონს ,,ნუნუ ღამბაშიძე’’(Нуну Гамбашидзе) - დააწკაპეთ მასზე.
მხოლოდ მაშინ, როდესაც გაეცნობით ნუნუკას ფოტოებს, თქვენ მიხვდებით, საიდან წარმოიშვა ჩემი აღფრთოვანება. ანონსის ილუსტრაციისთვის გამოვიყენე ჩემთვის საყვარელი მისი რამდენიმე ნამუშევარი. შევეცადე დამელაგებინა სტილის მიხედვით, იმაზე დაუფიქრებლად, შეესაბამება თუ არა ჩემი განსაზრვრება ფოტოხელოვნების თეორიის კანონებს.
-----------------------------------
ფოტო: ნუნუ ღამბაშიძე
--------------------------
თარგმანი: ნონა ღამბაშიძე Просмотров: 417
|
